EGUN HANDIA

(argazkia Balon Oval)
Denbora luzea neraman blogean idatzi gabe, baina nagiak nagi hemen dator buelta datorren igandeko egun handiaren berri emaile. Tartean gauza asko gertatu dira, Kadeteak ere euskadiko txapeldun, Miarritzetarrak pare bat alditan izan dira Anoetan (eta abigarren aldian SEKULAKO partidua eskeini ziguten Opsrys galestarrekin batera, esker aunitz ), … eta nola ez, lehen taldea play offetarako sailkatu zaigu taldeko txapeldun izanda.
Parean tokatu zaigun arerioa CAU Valencia izan da, eta ez da txantxetakoa atzo Valentzian ikusitakoaren arabera. Joaneko partida kanpoan jolastea egokitu zitzaigun txapeldunak izaki, eta atzo jolastu zen partidu hau. Momenturen batzuetan aurretik joan arren (9-10 atsedenaldian) azkenean 18-13 nagusitu ziren LLevantarrak. Partiduko gakoa dudarik gabe zigor kolpeak. Zelaia erabat lokaztua zegoen , Hernaniarrek aitzineko jokorako zuten nagusitasunaz profitzatzeko ezin egokiagoa. Modu horretan, lehen zatian Genuak eta Bolik egindako entseguek eraman zuten talde orlegia nagusi aldageletara. Baina lehen zatian bertuteak agertu ziren bezalaxe, atsedenaldiaren ostean beste aldea azaldu zen, gehiegizko zigor kolpeak egitearena; eta horratx Valentziarren potentziala, Pablo Sorribes izena duen atzelariaren maisutasuna hagetarako ostikoetan. Azkenean 18-13 emaitzaz etxerako buelta, eta gainera azken uneetan Igor Genuak min hartu zuen.
Ez da erraza izango inondik inora, baina inoiz baino gertuago dago igoera, bost puntuetako aldea ez da horrenbestekoa etxean jokatuta, gainera CAU ez da aurreko urteetan etorri diren talde andaluziarren parekoa. Baina gauza batzuk eduki behar dira kontutan:
- Aurrelariak hobeak ditugu, eskasetan eta mauletan bikain aritu ziren atzo ere hernaniarrak, honi probetxu atera behar zaio, ederki dakigun bezala Landaren bultza eta bultza.
- Hiru laurdenetako lerro bikaina dute, gaztea eta etxekoa, gurea bezalaxe.
- Kontu handia atzelariarekin, oso oso ona dute valentziarrek 15a, puntu gehien berak egiten ditu bai entsegu zein ostikoetan. Beraz aurrera ematen diren ostikoetan inoiz baina geihago saiatu behar gara alboa bilatzen eta baloia kanpora botatzen.
- Baina batez ere , batez ere eta inoiz beino gehiago GURE JOKORA, bai jokalariak eta baita zaletuak ere. Gure jokoa egin eta gureak animatu atsedenik gabe, besteek zein epaileak egiten dutenari jaramon egin gabe, probokazioetan erori gabe, ahalik eta zigor kolpe gutxien egiten eta egiten direnak pitatu ez ditzan eragiten. Zigor kolperik ez igandean Landaren!

Blog honetatik ezin gehiago egin. Gustora egingo genukeen bultz igandeko mauletan, hortxe izango dira gure eztarriak inoiz baino gehiago:
BULTZA HERNANI!!

Jubenilak Euskadiko Txapeldun !!

(Argazkia HCRE)

Joan den ostiralean Eibarren jokatutako finalean beste behin ere Hernaniko taldea atera zen euskal ligako txapeldun. Finalean Getxoko taldea izan zuten aurkari, finalerdietan Zarauztarrak kanporatu ostean. Hasera batean eskuragarri zirudien partidua (liga erregularrean jokatutako bi alditan hernaniarrak nagusitu ziren)maldan gora jarri zitzaien hernaniko mutilei, tentsioa eta urduritasunak tarteko, baina azkenean 11-5 eko emaitzaz gailendu ziren. Berriro ere eskertuko dugu mutil hauen ilusioa eta entrenatzaileen lan ona. Ez da errraza hainbeste urtetan talde bat sortzea, sendotzea eta mantentzea, baina hori da bidea, hernaniarron funtsa.
Bestalde seniorrek egun berean eta ia ordu berean jokatu zuten urrezko kopako azken partidua, eta Ordiziaren aurka 33-12 galdu arren itsura ona eman zuten etxekoek, batez ere kontutan izanda jende asko falta zela hernaniko aurrelarien artean, eta Ordiziarrek talde sendoa ekarri zutela (tartean ziren esate baterako, Dillon, Simpson, Carter, Lerma, Puyadena, Aierbe, Iruarriz... eta abar). Lehen 10 minutuetan ordiziarek 21 puntu erdietsi zituzten, eta orduan hasi zen benetako partidu orekatua. Gauza hauek zaindu beharrean gaude, partidura lehen minututik "entxufatuta" atera behar da, batez ere datozen konpromezuen aurrean berpiztuta dagoen Eibarren aurka lehenengo, eta Getxoko taldearen aurka ondoren.Hauek ez dute ezer oparituko, biek ala biek maila galtzeko arriskua bait dute. Bi partiduak irabazi behar dira, eta biak bonusarekin. Beranduago hitzegingo dugu play offetaz.
Bitartean goza dezagun jubenilen garaipenaz, izugarrizko poza eta harrotasuna ematen bait dute hyalako berriek. Hernanik indarra du, Hernanik etorkizuna du , bultza Hernani!!

Hernani 13 Oviedo 3

Oso partidu arraroa igandean Landaren ikusi genuena. Bi taldeek dena eman zuten defentsan (bisitariek gehiegi agian), baina oso exkax aritu ziren erasoan. Aurrelarien partidua izan zen orohar, bi taldeetako aurrelariak oso fin aritu ziren nahiz eta agian fisikoki oviedotarrak apur bat gainetik egon (lehen lerroa oso antzekoa zuten bi taldeek, baita bigarrena ere, diferentzia fisikoa hirugarren lerroan zegoen). Ez ziren hain ondo ibili hiru laurdenetako lerroak, biak. Hernaniarren partetik ondo aritu ziren atzelaria (oso seguru defentsan eta partiduko entsegu bakarraren egilea) eta uztartze erdia, etengabe bilatu zuen aurkarien lerroa eta baloi paregabeak zabaldu zituen, baina ez zen hernaniko hirulaurdenekoen eguna izan, baloiak galdu bait zituzten etengabe. Asko aurreratu du taldeak zentzu honetan ,baina oso egun txarra izan zuten igandean, bazirudien antsietateak gainditu egin zituela erdilariak eta joko zabaltzailea. Oviedotarren kasuan diferentziak joko zabaltzaileak markatzen dituela argi dago, baina eskasetarako ostiko on batzuk besterik ez zituen erakutsi igandean, gainerakoak zero patatero, denak, baita joko zabaltzailea ere, egon ziren partidu guztian zehar jokoz kanpo, eta hau estrategia kontua da , zigortu beharko litzatekeena.
Ildo beretik salagarria da bisitari batzuek erakutsi zuten portaera. Beste behin ikusi behar izan dugu nola etorri diren bisitariak Hernanira partida berotzeko asmoarekin, zeharka epailearengan eragiteko helburuaz? Benetan tamalgarria norgehiagoka amaitzeko hamar minutu eskas falta zirela gertaturikoa. Uztartze ireki baten ostean entrenatzaile ere baden jokalaria Oviedotarren alboko epailearengana zuzendu zen hantza norbaitek zeozer egin ziola eta nor zenaz galdezka. Alboko "epaileak" Hernaniko jokalari bat seinalatu zion eta zuzen zuzenean joan zitzaion aurpegia txikitzera. Ondorioa denok dakigu, Gorka Sarasola arroinak zelaia utzi behar izan zuen zaurituta. Alboko "epaile" honen portaera benetan salagarria da, ez baita da partiduan izan zuen partehartze bakarra izan: tangana batean parte hartu zuen, harmailetara keinuak egin zituen... PE-NA-GA-RRI-A!!!!!
Tamalez zabalduta dagoen ustea da Hernaniarrei aurre egiteko moduetako bat partida azpi jokoen bitartez haustea dela, eta horren inguruan denok hausnartuko beharko dugu, bai jokalariek, bai klubak eta noski zaletuok ere, batzuetan berotzeak ez baititu zelaian daudenak laguntzen eta. Aurrera begira burua hotz, denok!

ARERIOA EZAGUTU: OVIEDO

(argazkian Oviedo eta BUC nor baina nor Narancoko lokatzartean)
Heldu den igandean jolastuko dute Landaren Hernanik eta Oviedok elkarren aurka. Oso partidu garrantzitsua da bi taldeentzat; hernaniarrek lehen postuari heltzeko galdu ezineko aukera bait dute, oviedotarrek play offetarako lehiari eusteko duten aukeraren aurrean.
Elkarrekin jolastu duten azken bi alditan – biak ere Oviedon- oso estua izan da lehia eta bietan Hernani gailendu da juxtu baino juxtuago (denboraldi honetan jokatutakoan 22-27 gailendu ziren hernaniarrak). Hori dela eta, ez da harritzekoa izango asturiarrak motibaturik, gogotsu, etortzea Hernanira.
Asturiarrak… zeozer esatekotan, ia taldearen erdia osatzen bait dute Oviedoko atzerritarrek: australiarrak, zeelanda berritarrak, argentinarrak…Azken urteotan dinamika berezi xamarra eraman dute gainera urdinek alor honetan. Ohikoa izan da iragan urteetan, denboraldia etxeko jokalariekin hastea, modu petral xamarrean egia esan, eta denboraldi erdialdera atzerrian fitxaketak egitea. Modu honetan jokoa hobetzen zuten, espero ez ziren emaitzak lortzen zituzten, eta denboarldi amaieran mailari eustea lortzen zuten. Politika horrek ordea, mailari eusteko baina ez dio balio izan, ezer gehiago lortzeko itxaropenik gabe, eta 1998 eta 2001 artean ohorezko mailan
egon zen talde honek berriro igotzeko asmoa edukitzekotan aldaketa bat behar zuen. Aldaketa hau, agian, babesle indartsu bat edukitzeak ahalbidetu die; urte honetan fitxaketak sasoi hasieran egin dituzte, eta serioago aritu dira lehiaketaren lehen itzulian. Seriotasun horren fruitu, gaur egun taulan duten lekua, laugarrena, hori bai, play offetarako aukerak inolaz ere galdu gabe.
Esan bezala, atzerritar ugari duen taldea da, jokalari bezala ere aritzen den entrenatzaileagandik hasita: Simon Hafoka. Normalean 8 bezala aritzen da, Tongako taldean eta Zeelanda berriko hainbat taldeetan jolastu duen maoriar hau. Getxo taldean ere aritu izan zen.
Australiatik ekarri zituzten Daniel Grieve uztartze erdia eta Joshua Wilson zentroa, horpokatzaile bat ere ekarri zuten, baina ez dakit etxera itzuli edo zer egin duen, ez bait du jolasten. Baina dudarik gabe Zeelanda Berrikoak dira aurtengo fitxaketa esanguratsuenak: bigarren lerroan aritzen da Cameron Reed eta iaioa da eskasetan baloiak lapurtzen. Liga honetako puntuegile nagusia berarekin iritis zen Kiwien lurraldetik; Henry Fisher joko zabaltzaileak 93 puntu erdietsi ditu dagoeneko ia denak ostikoz (denak ez badira), adi beraz zigor kolpeekin!
Aipatzekoak dira baita ere Valladolideko VRAC taldetik fitxatu zuten Cristian Utiel hirugarren lerrokoa, eta etxeko jokalarien artean, David Rey hegalekoa aipatuko dugu, entsegu dexente egiten duen jokalaria bait da.
Dituen atzerritar kopuruagaitik ez badirudi ere, harrobia lantzen duen taldea ere bada Oviedo, esate baterako, Valladolideko El Salvador taldeko Souto anaiak talde honetatik atera ziren.
Ligan jolastutako azken norgehiagokan BUC taldeari gailendu zitzaizkion 9 eta 3ko emaitzaz, kontutan izateko taldea hortaz, nahiz eta partidu honetan nabarmenago azaldu zen lokatza, jokoa bera baino, oso egoera txarrean bait dago Oviedotarren Naranco zelaia.
Hernanira jolastera etortzeko prest dago Oviedotarren talde osoa, ez dute min hartutako jokalaririk, eta hau gerta ez dadin beste zelai batetan ari dira prestatzen Hernaniren aurkako partidua.
Posible delako, eta gainera irabaziko delako, Bultza Hernani!!

Profesionaltasunaz

Egun hauetan VI nazioetako torneoaz eta urrezko kopaz hitzegiteko asmoa nuen, eta oso labur egingo dut, bi txapelketa hauetan gertaturiko beste gauza batzuetaz luzeago hitzegiteko. VI nazioetako torneoan Frantziak nagusitasuna azaldu zuen Irlandaren kontra, Galesek azken unean irabazi zion modu epikoan Eskoziari, eta Ingalaterrak juxtu juxtu irabazi zuen Erroman. Urrezko kopan Bera Bera gailendu zen Anoetan Ordiziaren kontra, eta Urbietako “zelaian” Gernikak Hernaniri irabazi zion ozta ozta, 70 minututan 0-0ko markagailuari eutsi ostean.
Mamira.
Jakina da azken urteotan errugbyak profesionalizazioruntz pausoak eman dituela. Askok esango dute aurrerapausoak izan direla. Nik zalantzak ditut honen inguruan ordea. Ez naiz ni inor inork babarrunak nola irabazi behar dituen esateko, baina kirol honetan, profesionalizazioak eragin dituen ondorio batzuetaz aritzeko asmoa badut behintzat. Horretaz jardun nuen beste sarrera batean eta ez naiz gehiago luzatuko: Aldaketa fisikoak, talentuaren gainetik aurrekontuek duten nagusitasunaz… nire eritzia garbia da. Profesionalizazioak ez dio onurarik ekartzen errugbyari, edo onurak baino gehiago dira kalteak, nire uste apalean behintzat. Kirol noble honen prostituzioa bizitzen ari gara, lagunak.
Esaten ari naizen honen adierazgarri, astebukaera honetan izan diren bi gertakari. Bere profesionaltasunaz arro diren jokalari eta entrenatzaileak gertakari hauen protagonista.
Lehena Galesen gertatutakoa, Cardiffen. Gales eta Eskoziaren arteko norgehiagokaren aurretik polemika bizia piztu zen zelaiaren sabaia zela eta. Millenium estadioak jasotzen diren sabaia horietako bat duela eta, bere joko “ikusgarriagoari” etekina ateratzeko, Galesko entrenatzaileak larunbaterako iragarrita zeuden euriak zirela eta sabaia ixtea proposatu zuen. Honetarako Eskoziako entrenatzailearen bahimena behar zuen ordea, eta honek ez zuen eman. Sekulakoak entzun ziren partida aurreko egunetan Eskoziako entrenatzailearen erabakia zela eta… horrek ikuskizuna ilunduko zuela, horrela ezin direla sponsorrak erakarri, joko itsusia gailenduko zela… ba sabaia irekita mantendu zen, eta larunbatean Galesko zeruaren azpain ikuskizuna ikusi ez bazen, nik betaurreko berriak behar ditut. Agian profesionalagoa izango ote zen Galeseko jokalari batzuek garaipena ospatzeko aukeratu zuten modua? Batzuek irakurriko zenuten prentsan, hirugarren denbora ospatzen ari ziren hoteleko golf karrito bat hartu, eta nola harrapatu zituzten erabat mozkortuta autopista batean gidatzen bi jokalari profesional galestar… denok egin ditugu tontakeriak hirugarren denboratan ordea, eta honek jakina ez ditu sponsorrak uxatzen.
Beste gertakaria Gernikako zelaiean gertatu zen. Zelaia zeozer esatekotan, Laidako hondartzan hondar gehiago baitago. Hau gertatzen da, besteak beste dirua argentinatik jokalari profesionalak ekartzen xahutzen denean, bizkaitarren poltsikotik ateratzen den dirua. Eta nire uste apalean ,Gernikako jokalariek beraiek ikusiko dute zein puntutaraino jarri nahi duten bere osasuna arriskuan halako zelaiean jolastuta, baina arerioa halako zelai batean jolastera behartzea ez zait etikoa iruditzen. Eskerrak ez zen lesio larririk gertatu behintzat. Ez zen hala ere gertatu zen okerrena izan. Gernikako jokalari batek, arroin batek, bere profesionaltasuna azaltzeko edo, Hernaniko jokalari gazte bati, kontura ez zetorren ukabilkada bat eman eta lurrean uzti zuen konorterik gabe. Partiduko kakak partiduan gelditu behar duela pentsatzen duenetako bat naiz, horretan bait datza kirol honen nobleziak; baina kasu batzuetan pazientzia noblea ere, agortu egiten da. Ederki irabazi uken soldata basurde, bejondaiala

VI NATIONS Lehenengo jardunaldia

Joan den asteburuan jolastu da sei naziotako txapelketaren lehenengo jardunaldia. Sorpresa eta joko handirik gabe joan da jardunaldi hau.

Ingalaterra eta Galesen arteko partidua ikusteko betarik ez nuen izan eta ez dut honen komentariorik egingo. Twickenhameko zelaiak ehun urte betetzen zituen eta etxekoek omenaldia egin zioten Galestarrei irabazita. Berezitasun gisa, komenta dezakegu,partida honetan ingelesek mendeurrena ospatzeko garai hartako moduan jantzita jolastu zutela (argazkian ikusten den moduan). Emaitza 30-17koa izan zen, eta esaten dutenez, Ingalaterra nagusi izan bazen ere, markagailuak erakusten duen diferentzia ez zen hainbestekoa izan.

Partida honen aurretik jolastu zen Irlanda eta Italiaren artekoa Dublingo Croke parken. Nire iritziz ez zen partidu oso ona izan, arrazoia sinplea, batzuek nahi izan ez zutelako, eta besteek ezin izan zutelako. Ezina eta nahigabekeria juntatu ziren. Italliarren ezina, jokaldi dotore bat edo beste egin bazuten ere, agerian gelditzen bait da behin eta berriz selekzio honek txapelketa hau jokatzeko maila ematen ez duela. Aurrelari sendoak, ilusioa, eta gogoa aportatzen dituzte. Jokorik ez. Irlandarrek berriz ez zuten batere arriskatu, lehen zatian nahikoa abantaila lortu zuten, eta joku ikusgarriagoa eskeini zuten. Atsedenaldira 23-8ko emaitzarekin joan ziren eta bertan gelditu ziren, aldfageletan. Bigarren zatian ahal beste aldaketa egin , eta indarrak Pariserako gorde zituzten. Bigarren zati osoan 6 puntu besterik ez zituzten gauzatu irlandarrek eta 3 italiarrek, besterik ez dugu komentatuko eskeinitako ikuskizun aspergarriaren omenez. Norbait aipatzekotan Irlandako taldea aipatu behar dugu,kasu honetan egin dezakeenaz egin zuenaz baino gehiago. Ikusten zaio talentua taldeari, eta ea datorren larunbatean daukana emateko gai den. Izen propioak: Thomas O´Leary, Heaslip, Brian O´driscoll, eta Ronan O´Gara. Partiduko jokalaririk onena , Munstergo Paul O´Conell.

Igandean bazkalostean Eskozia eta Frantzia aurrez aurre. Honetaz ere antzeko zeozer esan dezakegu, Frantziak errez irabazi zuen nahiz eta eskoziarrek borondate osoa agertu zuten, baina ezinarekin topatu ziren hauek ere. Eskoziarrek kasta osoz ekin zioten behin eta berriz frantziako defentsa hausteko ahaleginari, eta lortu zuten zenbaitetan, baina lortzen zuen jokalaria bakarrik sartzen zen Frantziarren zelaiean , babesik gabe, bilustik, berezkoa bihurtzen ari zaien joko anarkikoaren seinale. Denen artean azpimarratuko nituzke Paterson aztelari eta puntugilea, eta Beattie zortzia ahaleginaren eta saiakerarn eredu. Frantziak Irlandak bezalaxe frenoarekin jolastu zuen. Aurrean oso ondo, antolaturik eta nagusitasunez. Ez zitzaidan hainbeste gustatu hiru laurdeneko lerroa. Uztartze erditik hasita, Clermonteko Morgan Parra aritu zennpostu hionetan eta ez zitzaidan asko gustatu. Nahiago nuke Michalak haseratik jardín izan balitz. Zabaltzaile lanetan Thrin Duc, besterik gabe. Bi zentroak finago ibili ziren, Jauzion eta Basteraud, bigarrena batez ere bi entsegu erdietsiz. Hegaletan, zero patatero, agian ez bere erruz baloirik jaso ez zutelako, min hartzen besterik ez genituen ikusi Rougerie eta Avirongo Benjamin Fall. Atzean Poitrenaud, exkax. Partiduko jokalaririk onena duda izpirik gabe, Imanol Harinordoqui. Sekulako partidu borrokatu eta borobila egin zuen Donibane Garazikoak

Amaitu da garaitezintasuna

Pena da, baina hala da, joan den igandean galdu zuen Hernanik atzeratutako partiduan liga guztian zehar zeraman garaitezintasuna. Bartzelonatik etorri ziren BUC taldekoak ustez minduta, joaneko partiduan bidegabekieriaz galdu zutela sinetsita, eta Hernaniri etxean hortzak erakustera etorri ziren, baita ederki erakutsi ere.
Lana medio ezin izan nintzen Landarera joan igandean, baina uneoro bertan gertatzen ari zenaren berri jaso nuen telelefonoz. Bartzelonako taldea gehiago izaten ari zen , nahiz eta Hernaniarrak aurretik jarri partidu hasieran. Maisu izan ziren aurrean eta maisu lerroan bartzelonarrak, horrez gain hernaniarrak falta nabarmenak zituzten zelairatu zen hamabostekoan, aurreko astean Bartzelonako beste taldearen aurkako neurketa gogorraren ondorio. Aurrelariek Arkaitz Otaño kapitaina faltan zutela bistan omen zen, eta defentsan akats haundi xamarrak izan omen ziren. Bartzelonarrei nagusi izan zirela aitortu behar zaiela esan didate. Eta hala izango da.
Orain aurrera begiratu behar da, liga ez da oraindik amaitu, eta lehen postuari helduta dago Hernani. Lau puntuko aldeari ere eusten dio nahiz eta atzetik bigarren posturako borroka ederki bizitu den. Atzetik ditu Bartzelonako bi taldeak eta Oviedo oso puntu gutxiren baitan borrokan eta horrek ez dio mesederik egingo Hernaniri, geroz eta talde gehiago lehian orduan eta lasaitasun gutxiago. Azter ditzagun geratzen diren partidak:
Lehenik Oviedo etorriko zaigu bisitan, bigarren posturako lehian dagoen taldea da, duela 15 egun BUC taldeari irabazi ziona. Oso partidu konplikatua izango da, kanpotarrez oso hornitua, eta aurten, aurreko urteetan baina erregularragoa. Argentinarrak, australiarrak, zeelanda berritarrak... ez dira xamurrak izango, baina beraiek baina gehiago izan ziren hernaniarrak Oviedon. Berriro ere irabaziz gero oso oso eskura izango du Hernanik play offa.
Jarraian datozen hiru partiduak, errazak ziruditen liga haseran, jokoan ezer izango ez zelakoan; ba liga animatu da beheko postuetan ere eta eibartarrak partiduak irabazten hasi dira eta ez dute amore emango, getxotarrek, durangarrek eta vigotarrek egingo ez duten bezala. Oviedoren ostean Vigo eta Eibar bisitatu behar ditugu eta Getxo etxean hartu azkenengo jardunaldian. Ez da zirudien bezain xamurra izango, baina Hernanik gehiago izan behar du, eta izango da...
Dena joan behar duen moduan joango bada, play offak izango ditugu berriro udaberrian, aurten gainera kanporaketa bakarra gainditu beharko da ohorezko mailara iristeko, ohorezko B mailako finala jolastuko duten bi taldeak igoko bait dira zuzenean, promoziorik jolastu gabe. Honi begira ere oso garrantzitsua izango da lehen postuari eustea, ahal bada bigarren posturako lehian dauden taldeak egokitu behar zaizkigu kanporaketan: Liceo, CAU Valencia edo Portuense. Lehen postuak jabe nagusia bait du bigarren taldean, Madrilgo Alcobendas taldea, berez talde oso sendoa izateaz gain, etxera bueltatu bait zaie Ingalaterran aritu den Jaime Nava zentro handia ere, eta zurrumurruak daude play offetarako indartuko ote diren (selekzioan aritzen den Martin Heredia joko zabaltzaile andaluziarra Madrilera hurbilduko ote den zurrumurruak daude). Datorrena datorrela... bultza Hernani!

VI Nations lehen jardunaldia

Larunbat honetan hasiko da aurtengo VI nazioetako torneoa, Dublinen hain zuzen 15:30etan Irlanda eta Italia aurrez aurre jarrito direnean. Egun berean arratsaldeko 18etan Londresen Gales hartuko dute larrosa soinean daramaten ingelesek. Igandean iritsiko da Murrayfielden Eskozia eta Frantzairebn txanda. Huaek momentuz talde bakoitzari dagokionez dauden azken berriak.
IRLANDA –ITALIA (Croke Park 15:30)
Italiak nahiko lan izango du eusten eta Croke parkera eramango duten talde seguru ohikoa izango dela, Sergio Parisse jokatzeko moduan ez dagoela kontutan hartuta (leiaketa osorako gainera). Berrikuntza agian australiar-italiar batek eman dezake, baionako Avironen aritzen den Growe joko zabaltzaileak hain zuzen.
Irlandak erabakia du Croke park historikora (gogora dezagun estadio hau nagusiki joko zeltiarretarako erabiltzen dela eta 60000eserleku baina gehiago dituela) eramango duen taldea. Declan Kidney hamabosteko hau zelairatiuko du: Kearney atzean, Bowe eta Trimble hegaletan (gogora dezagun Fitzgerald lesionatuta dagoela), izugarrizko erdialdea 3/4eko lerroan , Gordon D´Arcy eta Brian O´Driscoll, , Ronan O´Gara jokoa zabaltzen eta Thomas O ´Learyk kendu dio selekzioan ere Munster tarldean egin duen bezalaxe Peter Stringerri uztartze erdiko tokia. Aurrean baita ere luxuzko taldea arituko da: 3.lerroan Heaslip, Wallce eta Mc Laughlin; 2. lerroan O´Connellek oraingoan ez du Donnacha O´Callaghan izango, hau mlesionatuta dagoelako, erta honen ordez Leinstergo Leo Cullenek jantziko du 4 zenbakia daraman elastiko berdea. Lehen lerroan Hayes, Flannery eta Healy.
Talde beterano xamarra ikusten denez, baina gazteek ere izango ote dute barruan duten errugbya erakusteko aukera. Espero dugu txapelketak aurrera egin ahala beraien aukera edukitzea eta Sexton bezalako fenomenoak gutxienez deialdian sartzea (momentuz azken hau bigarren selekzioarekin arituko da.

INGALATERRA-GALES (Twickenham 18:00)
Ingalaterrako hamabostekoan Jhonny Wilkinson izango da berriro ere izarra eta bizkarrean hamarra haseratik eramango duena. Berrikuntza nagusiak deialdian, Delon Armitage London Irisheko atzelaria hamabostekora itzuliko dela Frantzian aritzen den Flutey zentroarekin batera.
Galesek arazo Larica izango ditu aurrealdean , izan ere min hartuta zegoen Duncan Jones.ez gain , Rees horpokatzailea ere lesionatu egin bait zen, eta gaur jakin da HGethin Jenkins arroina ere etxean geldituklo dela giharretako (bikiak) arazo bat tarteko. Gainerantzean, eta momentuz, espero zirenak joango dira Twickehmanera.

ESKOZIA-FRANTZIA (Murrayfield, igandea 16:00)

Frantziak lesionatu gutxi ez bazituen (Yachvilli, Barcella, Chabal, Traille…), eta Dupuy bezala bere burua autoeragotzi dutenez gain, zerrendari izen gehiago gehitu behar zaizkio. Jean Baptiste Elissalde ere lesionatu egin da. Bere ordez Michalak taldekidea deitu dute zelairatuko den hamabostekoan egongo ez bada ere. Hala ere gauza harrigarriak egiteko gai izan behar duen hiru laurdenetako lerroa izango da jokoan: Poitrenaud atzean, Baionan aritzen den Benjamin Fall azkarra eta Rougerie hegaletan, eta batez ere kontuz bi zentroekin: Basteraud indartsua eta Tolosako maisua Yannick Jauzion. Guaza harrigarri bezain ulertezeina aurekaldean, Louis Picamoles es dute deialdian sartu ere egin. Dena den izutzeko moduko 3.lerroa joango da Edinburghera: Ouadago eta Dusatoir kapitaina Imanol Harinordoquy nafarrarekin batera.
Eskoziak momentuz ez du hamabostekorik azaldu eta ikusi beharko zein talde zelairatzen duen.

VI naziotako torneoa 2010

Datorren larunbatean hasiko da aurtengo VI nazioetako torneoa. Seguraski munduan ezgunena den errugby torneoa. Izan daitekeena ikusteko selekzioaz selekzioko análisis txiki bat egitera ausartu naiz, barkatu hankasartzeak eta ea zeozertan asmatzen dudan.

Hasteko Italiaz arituko gara. Beti esan izan dut talde hau azkarrehi sartu zela torneoan, eta era berean saru izan ez baklitz ez zukeela azken urteetan eman dituen aurrerapausoak emango… Espero dezagun bederen aurten lehengo urtean egin zituzten tontakeriak ez errepikatzea, esate baterako Mauro Bergamasco hirugarren lerrokoa uztartze erdiko postuan jartzea Ingalaterraren aurkako partiduan (hura izan zen flipatzea!). Beraien puntu fuertea dudarik gabe aurrelariak dira, askok jolasten dute Top 14ean edo Guiness premiershipean: Bergamasco bera, Bortolami, Castroggiovanni, Perugini,… baina adi beraien izarra 8ko postuan jolasten duen Sergio Parisse argentinar-italiarra min hartuta bait dago, eta luzerako gainera. Eta atzean? Ba atzean ikusten dira selekzio honek besteekin konparatuta dituen gabeziak. Helburua aurten ere ahal duten paper duinena egitea.
Eskozia ezustekoren bat eman dezakeen taldea da. Aldaketa asko izan dituen selekzioa da eta gainera aldaketa Hajek emaitza onak ekarri dituzte, azaroso testeatan Fidji eta Australia gaindituz, esate baterako. Oso aurrelari serioak ditu, mauletan eta meleetan maisuak direnak , eta atzean… alegria! Edozein gauza egiteko gai diren atzelariak, anarkikoak, onerako eta txarrerako ere bai. Horregaitik eman dezakete sorpresa, ; esperantza badut gutxienez Calcuta cup-a (Ingalaterraren aurka) aurten etxean geldituko dena, Murrayfielden.
Ingalaterrak ez du ezertxo ere irabazi ostikoz ostiko 2003an munduko txapelketa irabazi zuenetik, hau da, 7 urte. Hori presio handia da halako talde batentzat, eta okerena (beraientzat noski) gauzak aldatzeko itxura handirik ez dutela. Datu bat: azaroso hiru test-matchetan entsegu bakarra lortu zuten,… eta bai Wilkinson bezalako ostikatzaile bat edukitzea abantaila da dudarik gabe, baina jokoak ezin du horretara mugatu. Aurrean urteak pilatzen dira, jokalari axeriak zigor kolpeak bilatzen dituztenak,… hori Ingalaterraren jokoa. Jokalari bat aipatzekotan beraz Jhonny Wilkinson (Toulon taldean beste urte bete egingo duena aste honetan sinatu berri duenez, badakizue soldata mugarik gabeko azken urteari probetxua atera behar zaio). Nik ez dut beraiekin aspertzeko asmo izpirik ere.
Frantzia. Itxaropen asko dauzkate jarriak gabatxoek VI nazioetako aurtengo lehian. Jokalari onak dituzte taldean, finak, baitaere joko ona eman dezaketen jokaklariak eta era berean izugarrizko zerrikeriak egin ditzaketenak (Sebastian Chabaletaz ari naiz noski). Dena den presentziak baino ausentziak pisu handiagoa izango ote duten zalantza daukat, batez ere bi jokalari botako dituzte faltan: BOk ere lehen lerroan faltan botatzen duen Fabien Barcella (min hartuta dago) azken aldian frantziar aurrelarien liderra izan dena. Bestea Julien Dupuy uztartze erdi borgoindarra, zigortuta dagoena eta ederki zigortuta ere. Hala ere badaude zer esana emango duten jokalariak, eta batez ere bat eduki ikuspuntuan , Stade Francaisen jolasten duen Louis Picamoles hirugarren lerrokoa… gauza handiak egitera deitua dago tipo hau. Aurka, esan bezala , faltako direnak, eta alde dudarik gabe etxean hartuko dituela Ingalaterra eta Irlanda.
Gales. Zalantza asko Cymruko dragoiei dagokienez, 2008an Grand cslamaren jabe egin ziren, eta urtebete beranduago Irlandarrek kendu zieten nagusitasuna, non eta Cardiffen gainera, Millenium estadiotzarrean. Efektua dudarik gabe negatiboa izan da galestarrentzat: desmotibazioa, zalantzak, eta gainera honi gaineratu zaizkion lesioak. Aurrean aipatzekoa da duten lehen lerro beldurgarria: Jenkins-Rees-Jones, potro galantak eduki behar dira hauen aurrean jartzeko. Atzean ere baditutze kontuitan hartzeko izenak ere Stephen Jones joko zabaltzailea eta 2008an munduko jokalari onena izandatu zute Shane Williams hegalekoa. Talde badute eta zeozer egiteko gai izan BEHAR dute.
Analisi hau amaitzeko Erin maitea, Irlanda. Zer esan dezakegu Declan Kidneyk zuzentzen duen taldaeri buruz,... joan den urtean malkoak atera zizkidan, bai azken partiduan eta baita Croke parken azkenekoaz jolastu zutenean Ingelesak zapalduz,... gogoan dut oraindik nola Kitton ikusi nuen partidua eta nola egin behar izan nituen ahaleginak nire burua kontrolatu eta txorakeriak ez egiteko. Askok esan dute berandu iritsi zela igazko Grand Slama, belaunaldi baten amaiera zela eta horretan amaituko zela irlandarren balentria. Nik ordea behar bezalakao errelebo bat ikusten dut Irlandar, jokalari beteranoak oraindik gai dira piska batean, zergaitik ez urte batzuetan oraindik, gerra emateko, ez dut sinestu nahi O´Connel, Hayes, Horan, Stringer O´gara D´Arcy eta batez ere O´driscoll akabatuta daudenik, ... eta hau gutxi ez balitz atzetik txanda eskatzen datozenen maila ez da txantxetakoa, hobea izango ez bada, hogeita urte gutxi batzuk baino ez dituzten jokalari belaunaldi bikaina dator Irlanda urte askotan goian edukitzeko moduan, batzuk aipatzekotan : Sexton, Ferris, Heaslip, Kearney, O´Leary... hauetako batzuk kendu diete lekua jokalari mitikoei jadanik. Alde dute beraz motibazioa, nazio oso eta bakar bati poz gehiago emateko duten gogoa, eta gainera sinestu egiten dute. Aurka edukiko dute Londresen eta Parisen jokatu beharra, baina badkigu zein burugogorrak diren irlandarrak, ez ote da hau ere beste motibazio iturri bilakatuko?

Heineken Cup

Amaitu da Heineken cup bezala ezagutzen dugun europako kluben txapelketako lehen fasea. Pool edo sailkapen ligaxkako fase honek zortzi talderi eman die fianal laurdenak jokatzeko eskubidea, tartean lehian ari zen Euskal talde bakarra, Miarritzeko BOPB taldea. Guza bat Garbi utzi badu lehen fase honek zera da: Magners league eta Top14ko taldeen nagusitasun garbia, joko ikusgarririk egin gabe, erraz nagusitu zaizkie Guinness premiershipeko taldeei: Emaitzak hor daude, zortzirenetako sailkatu den talde ingeles bakarra Northampton Saints izan da. Zerikusia izango du zihurrenik aurten soldata mugatuaren implazntazioa Ingalaterrako errugbyan gauzatu izanak, datorren urtean Frantzian gauza bera gertatuko da, ea horrenbestekoa den eragina (honetaz arituko naiz beste batean, errugbyaz eta diruaz).
Final laurdenak lditu dira:
Munster-Northampton Saints
Biarritz-Ospreys
Toulouse-Stade Française
Leinster-Clermont
Final erdietan lehen bietako garaileak elkarren aurka, eta azken bietakoak nor baina nor.
Nire kiniela pertsonala egingo dut (arrazoi sentimentaletan oinarrituagoa teknikoetan baino), eta fianlerdi hauek aurretuko (nahiko) nituzke:
Biarritz- Munster
Stade Toulousain- Leinster
Finala Parisen, sarrerak jada agortuak.
Baina ametsak amets, lehenago jolastu beharko dira final laurdenak, gure zorionerako saioetako bat Donostian gainera, lapurtarrek Anoetan jokatuko dute Galesko Ospreysen aurkako final laurdenetako partidua. Sarrerak lortzea ez da gauza erraza izango, galestik 8000 bisitari etortzea espero bait da eta Donostian salduko diren sarrerak ez dira asko izango. Internetera adi egon beharko dugu. Zita urrun xamar gelditzen zaigu oraindik, Apirilak 10. Arituko gara hortaz bitartean luzeago.

Arerioa ezagutuz (II)

Arerioaz ezer gutxi dakit egia esan, aldaketa asko izan dituen talde bait da F.C Barcelona. Bere garaian Clubean garrantzia izan zuen sekzioa izan zen errugbikoa, baina urteak joan ahala babesa galdu zuen, urte batzuk beranduago Perpinyako USAP taldearekin adostutako hitzarmenari esker ohorezko mailara itzuli ziren duela urte batzuk. Maila galdu ostean ohorezko B mailan aritu ostean , Kataluniako liga erregionalean aritu ziren Bartzelonako BUC taldeari legua tusita. Urtez urte mailak igotzen hasi eta aurreko denboraldian lortu zuten Ohorezko B mailara itzultzea denboraldi bikain bat jolastu ostean.
Talde sendoa da Bartzelonakoa, Hernanin joaneko partiduan erakutsitakoaren arabera. Aurrelari handiak ditu eta oso indartsuak dira joko honetan. Hiru laurdenetako lerroetan era jokalari oso onak ditu, esate baterako Santboianan eta Espainiar selekzioan aritutako Camile Riu. Ez da kasualitatea beraz bigarren eta Hernanigandik puntu bakarrera egotea FC Barcelona, nahiz eta partidu bat gehiago jokatu duten, zihurrenik eta ala espero dugu, hauek izango dira hernanirekin batera play offetara joango direnak.
Ligan jokatutako azken partiduan Durango izan zuten arerio eta bizkaitarrak sorpresa ematekotan izan ziren gutxigaitik galdu, baina lehen zatian irabazten joan ostean.
Ea Hernani emaitza positiboa ekartzeko gai den bihar, Vall d´Hebrongo Taixonera zelaitik. Bultza Hernani!

Urrezko kopa (II)

(argazkia HCRE)
Joan den igandean jolastu zen Urrezko kopako lehen faseko finala. Aipatu moduan Hernani eta Durango aritu ziren aurrez aurre Landaren eta partidu ikusgarrian etxekoak nagusitu ziren , ohoerezko mailako taldeen aurka bigarren fasea jokatzeko eskubidea eskuratuz. Zelaia bertsolari bat afalostean baino astunagoa zegoen, baina hala ere jokaldi ederrak ikusteko parada izan genuen, zuzenean eta telebistan gainera. Partidua hasi bezain laster aurrelariek indarrezko eta maisutasunezko entsegu bat erdietsi zuten, baloia zelai popioan maul batean hartu, kementsu bultzatzuz eta maula elegantziaz eta jakituriaz, berriro diot jakituriaz, mugituz, Arkaitz Otegik baloia durangarren entsegu marra atzean pausatu arte.
Partidua ez zen bere horretan gelditu, lehia bizia izan zen laurhogei minutuetan, zelaiak bestelako partidua jokatzeko gonbitea egiten bazuen ere; jokoa garbia eta bizia izan zen. Horren erakusgarri hernaniarren bigarren entsegua. Etxeberriak baloia entsegu marratik 65 metrotara hartu eta abiadura biziz ekin zion durangarren entsegu marrarako bideari, alboetara neurriz begiratu, eta banan bana durangarren hiru laurdenetako lerro guztia saiestu zuen bata bestearen atzetik lurrean utziaz. Azkenean baloia hagen azpian utzi zuen beraz aparte Garmendia anaiak ere alboetan lagun zituela, entsegu horrek 15 puntu balio ditu!
Atsedenaldia gertu zela markagailuak 12 eta 5eko emaitza erakusten zuen, nagusitasuna bai , baina ez hainbestekoa, zelaian bestelakoa zen ikusten zena. Hala ere hernaniarren beste entsegu parea ikusteko aukera izan genuen, zelaian hein handi batean bizkaitarren presioa eta nagusitasuna agerikoa bazen ere. Igor Genuaren beste lasterraldi bikain baten ostean (hau ere 50 metro ingurukoa), Jokin Esnalek berriro ezarri zuen baloia hagen azpian. Azkenean aurrelarien giltzurrunek entsegu klasiko bat gauzatu zuten Illarramendiren eskuetan. Azkenean 24-5eko emaitza, bi taldeak aritu ziren bikain.
Niretzat, emaitzaz aparte, Polidorik zuzendutakoek eskura jokatzeko erakutsitako grina izan zen. Apenas izan zen ostikorik, jokaldi guztiak, atze atzetik hasitakoak ere eskura jolasten hasten zituzten hernaniarrek, dudarik gabe modu honetara jolasteko hartu duten konfiantzaren seinale.
Ohorezko mailako hiru euskal taldeak orain arerio. Lehen partidua Urbietan Gernikaren kontra (ez dut gernikarren kontra idazteko asmorik), eta jarraian etorriko dira Anoetan Bera Beraren kontra eta Landaren Ordiziaren kontrako partiduak. Hauei buruz arituko gara aurrerago. Bultza Hernani!

Urrezko Kopa

Joan den larunbatean hasi zen jolasten aurtengo Urrezko Kopa. Lehiaketa hau euskadiko federazioak antolatzen du, eta bertan ohorezko mailako bi mailetan jokatzen duten taldeek hartzen dute parte. Lehenengo fasean Ohorezko B mailako taldeak aritzen dira nor baina nor, eta hauen artean irabazten duenak Ohorezko mailako hiru taldeekin batera urrezko kopa etxera eramngo duen taldea erabakitzeko ligaxka jokatzeko eskubidea irabaziko du. Aurten ez nago zihur, lehengo urtean bezalaxe, kopa irabazten duenak sari gisa Irlandako liga amateurreko irabazlearen aurka jokatzeko saria irabaziko ote duen. Lehengo urtean Gernikak irabazi zuen kopa eta Limerick konterriko Shannon RFC taldea izan zuten Urbietan jolasten (talde honetatik atera dira Peter Stringer, Jerry Flannery, John Hayes edo Marcus Horan bezalako jokalariak). Ohore handia , eta aukera aparta halako talde baten aurka aritzea, kopa bera baino sari atseginagoa. Ea aurten irlandarrak Landarera ekartzen ditugun. Hau gertatzea ez litzateke tontakeria izango, izan ere lehiaketa honen arau nagusietariko bat atzerritarrak mugatzearena bait da. Talde bakoitzeko hiru atzerritarrek bakarrik jolas dezakete, eta jakina da Hernanik ez duela arazorik arau honekin. Arerioak jokalari atzerritarrekin mugatuak izateaz gain, kontutan izango dugu baita ere, partidu hauek gehiegi jolasten ez duten jokalariek minutuak izan ditzaten profitatuko dituztela ohorezko mailako taldeek, batzuek mailari eusteko ligan zentratuak egongo direlako; eta besteak, etxeko jokalariek zelaia zapaltzeko gogoa ere izango dutelako.
Lehenengo ordea, lehen fasea gainditzea. Horretarako bidea Hernanik ondo hasi du, joan den astean Faduran 9-17 irabazi eta gero. Ondo esan dugu eta horretan utziko dugu emaitza ona izan zelako, ez hainbeste partidua. Hernaniarrek, defentsan serio azaldu ziren getxotarren aurka entsegu bakarra erdietsi ahal izan zuten eta Iraitz Garmendiaren ostiko bikainek eraman zituzten berdeak garaipenera. Ostikoak ere rugbyua dira noski, baina ez da aurten ikusi dugun partidurik onena.Hori bai, Oier Garmendiak lortutako entsegua oso polita izan zen, eta gainera telebistan ikusteko aukera izan genuen.
Fase honetako beste final erdia Eibarrek eta Durangok jolastu zuten , eta bizkaitarrak nagusitu ziren. Hortaz, finala (lehen fasekoa) asteburu honetan jolastuko da Landaren, Hernani eta Durango parez pare, Igandean eguerdiko 12etan. Idazten duen honek larunbatean denboraldiko sagardotegia izango du, eta ajeak uzten badio bertan izango da gelditzen zaion ahots pattarrero apurrarekin Bultza Hernani! ohiukatzen. Ajea urteberrikoaren tamainakoa bada, telebistan ikusi beharko, igandean baita ere, arratsaldeko 15:00etan ETB3an.

Broken faces

Interneten xalxeatzen argazkilari frantziar baten web orria ikusi dut. Denis Rouvre argazkilari aparta da, pertsonen erretratu bikainak egiten dituena. Bere orri osoa gomendatu nahi dizuet (www.rouvre.com), baina batez ere kolekzio bat, "Broken faces" deiturikoa. Bertan partidui osteko errugbilarien lehen planoak ikus ditzakegu, aurpegi markatuak, odoleztatuak, takoen arrastoa duten bizkarrak, azalore belarriak,... aurpegietako zenbait ezagunak egingo zaizkizuelakoan nago. Egiozue bisitatxo bat.
(Argazkia D. Rouvre)

Joko zikina (II)

Duela aste batzuk, joko zikinaren inguruko sarrera batean, Belfasten Ulster eta Stade Francaiseren arteko lehian gertaturiko istilu batetaz hitzegin nuen. Bertan Julien Dupuy uztartze erdi eta David Attoub arroin frantsesek behatzak begietan sartu zizkioten Ferries hirugarren lerroko irlandarrari. Dupuyk segituan jaso zuen eredugarritzat espero zen 24 astetako zigorra. Gaur ezagutu da David Attoubi ezarri zaiona, 70 astetan ezin izango du errugbyan jolastu. Oraindik zigorra errekurritu dezakeen arren, zail xamarra izango du, izan ere bere defentsak erabilitako argudio nagusitzat hemen erakusten dugun argazkia manipulatua izan zela hartu bait zuen. Adituek halakorik izan ez zela frogatu omen dute, beraz gure begiekin ikus dezakeguna Attoubek Ferriesi egindakoa da(Ferriesek ez zuen hori “ikusteko pagotxa” izan), hala bada bejondeiola zigorrak, errugbyan ez dugu halakorik nahi! Okerrena hala ere, Frantzian "ekintza" honek izena duela, “la fourchette” (sardexka) deitzen diote zerrikeria honi, tristea, oso tristea bataioa.

INVICTUS

Bart zinemak opari eder bat egin dit. Oso maiz ikusten ez diren film horietako bat ikusi dut, unkitzen duten horietako bat. Clint Eastwoodek egin duen azken filmaz ari naiz (bere azkena ote?), Invictus. Pelikula hau datorren urtarrilaren 29an estreinatuko da zinematan, baina gaiztoak garenez aurretik eskuratu ahal izan dugu. Aurretik irakurria nuen pelikulak oinarritzat hartzen duen John Carlinen liburua, "el factor humano", eta antsietatez itxaroten ari nintzen pelikularen estreinaldia duela urtebete inguru filmatzen ari zirela jakin nuenetik. Ez dut itxaroterik izan.
Zergaitik ari ote naizen zineaz blog honetan? Behingoagaitik errugbia pelikula batean irteten delako! eta errugbia bera delako filmaren muina.1995ko Hegoafrikako mundialean gertatutakoaz dihardu filmak, ez soilik Springboken garaipen hartaz, haruntzago Nelson Mandela bezalako gizon handi batek errugbia bere nazioa batzeko nola erabili zuen azaltzen du. Eta batez ere nola erabili zuen apartheidaren ikono historiko bat, Hegoafrika berriaren ikur berri gisa. Zuriek Hegoafrika berrian tokia zutela uler zezaten, eta beltzek barkamenik gabe aurrera egiterik ez dagoela uler zezaten. Sinbolikoki eta politikoki ederki lortu zuen Robben islandeko 46664 ziegan 27 urte pasatu zituen gizon hark apartatua bizi izan zen nazioa batzen. Apartheidak bere horretan darrai baina, kapitalismoak ez baitu gizatasunaz eta sentimentuez ulertzen, are gutxiago errugbiaz.
Errugbiak filman duen kalitatea ez da apartekoa, beno egia esan oso txarra da, baina tira barkatuko diogu Matt Daemon gaixoari, Francois Pieenarren pare egoten zaila bait da... ez dugu berdina esango Morgan Freemanek egiten duen Nelson Mandelaren paperaz, ez horixe. Ikaragarria Freeman jauna, eta egidazue mesede bat, arren filma jatorrizko bertsioan ikusi, beldur bait naiz Mandelaren hitzegiteko modua espainiar bertsioan ez ote den galduko.
Eastwood jaunak ederki erakutsi zigun kiroletik abiatuta unkitzen badakiela Million dollar baby filmean. Berriro ukitu dit fibra alu horrek. Oraingoan horretarako aurreprestatua nengoela aitortu behar dut. Nkosi sikelelei Afrika...

Igandeko partidua bertan behera (II)

Ba ala izan zen eta hainbeste espero genuen partiduaz gozatzeko aukera ukatu zigun elurteak. Otsailaren 7an jokatuko omen da BUCen aurka jokatu beharreko partidua, eta ordurarte errugbirik gabe zigortu gaitu eguraldiak. Ohorezko mailan Bera Bera eta Ordiziaren arteko lehia ere bertan behera geratu zen, eta berdina gertatu zen Hernanik jokatzen duen talde bereko Getxo-Oviedo partiduarekin. Jokatu ziren partiduetan ustekabeak egon ziren (nik espero ez nituen emaitzak behintzat), horrela Eibarrek denboraldiko lehen garaipena lortu zuen Vigoko unibertsitarien etxean, eta gauzak oso estu jarri zituen Vigotarrentzat, Durangorekin izango duen lehia ikustekoa izango da kategoria mantentzea bermatzen duen 6. posturako lehian. Are gehiago Durangarrak FC Barcelonako zelaian balentria galanta egiteko zorian egon zirela jakinda. Bigarren sailkatuaren Taixonera zelaian soken kontra eduki zituzten etxekoak, eta lehenengo zatian 15-18 aurreratu ziren; bigarren zatian etxekoek partiduari neurria hartu eta azkenean partidua irabazi zuten, baina bonusik lortu gabe. Momentu honetan eta Hernanik eta BUCek elkarren kontra egingo dutenaren zain, FC Barcelona Hernanigandik puntu bakarrera dago, baina , esan bezala, partidu bat gehiago jokatuta.
Ohorezko B mailako beste taldean, hegoaldekoan, izan zen atzeratutako partidurik ere, eta lehen sailkatuak , Alcobendasek, jipoi galanta eman zion azken sailkatu Jaeni. Jokatutako beste partiduan, iaz play offetan kanporatu gintuen Portuense taldeak etxean galdu zuen 3-6 Madrilgo Liceo Frances taldearen aurka. Puerto de Santa Mariako partidua ez omen zen afizioa sortzen duten horietakoa izan eta partiduko lau puntuak kanpotarrek eraman zituzten bi zigor kopleri esker. Etxekoak defentsako bonusarekin konformatu behar, eta guzak oso baina oso estu jarri dira talde honetan play offei begira. Nagusi Alcobendaseko taldea, dudarik gabe Play offetan ekidin beharreko taldea, hortik lehen postua lortzearen garrantzia, batez ere azken boladan izan dituzten altak kontutan hartuta, besteak beste talde honetan hazitako Jaime Nava "etxera" bueltatu bait da Ingalaterrako bigarren mailako Plymouth taldean denboraldi erdia jokatu eta gero. Bigarren posturako lehian Valentziako CAU, Liceo Frances eta CRA Portuense, elkarrengandik oso puntu gutxiko tarteak medio.
Liga amaierak beraz, emozioa ekarriko liguke egongo diren geldialdi luzeak egongo ez balira. Datzoen hilabeteotan hilabeteko partidu bakarra jolasteko aukera, hori da hori erritmoa. Eskerrak tartean 6 nazioetako torneoak goxatuko gaituen... honen ildotik adi, agian Hernaiko taberna batek iniziatiba hartuko bait du partiduak eskeiniz... ea egia den.

Igandeko partidua bertan behera

Hernanik eta BUC taldeek igande honetan jokatzekoa zuten partida bertan behera gelditu da eguraldi txarra tarteko. Azken orduetan eroritako elurteak bultzatuta, Bartzelonako taldeak ez du hernaniko bidea hartu eta partidua beste egun batean jokatuko beharko da. Lastima, gogo itzela bait genuen partidu hau ikusteko; ea noiz jokatzen den partidu hau, horretarako datak soberan izango dira datozen hilabeteotan.
(Argazkia: Rin El Salvadorreko foroan)

Arerioa ezagutu (I)

(Argazkia: Balon Oval)

Ahal dudanean behintzat,Hernanik jokatuko dituen partiduen aurretik arerioaz dakidana azazlduko dut blog honetan.
Datorren Igandean, urtarrilak 10, Hernanik Bartzelonako Universitari Club izango du bisitari, BUC taldea bezala ezagutzen duguna. Talde historikoa hau ere, bere plaza utzi eta urte batzuk lehen mailan pasa ondoren , joan de urtean Ohorezko B mailara igo eta paper oso txukuna egin zuena.Aurten ere, iazkoaren bidetik, oso ondo ari dira egiten gauzak, eta Bartzelonako beste taldearekin batera hernaniarren arerio nagusi dira play offetarako bidean. Joan den urtean, behar bada, Landaren jokatutako partidurik serioena jokatu zuten hernaniarrek BUC taldearen aurka. Nire iritziz bai. Sekulako hotz galanta eta euria (aurten ere hala izango dela dirudi), baina partidu bizia, beroa, eta garbia ikusi genuen, kiroltasunez jokaturikoa.
Aurten ez dakit gauzak nola izango diren, joaneko partidako azken minutuan gertatua gertatu eta gero (hagetara sartu ote zen eztabaidatu ondoren arbitroak hernaniarrei arrazoi eman eta 4 puntuak etxera etorri ziren)zihur kataluinarrak oso motibatuak etorrikoa direla, motibatuegiak agian. Badakite Hernanin garaipena lortu ezkero lehian sartzen direla, eta kontrakoa gertatu ezkero oso atzean geldituko direla, hernaniarrekin duten aldea 9 puntukoa baita. Joanekoan hain juxtu galduta gainera, seguro irabaz dezaketela sinestuta etorriko direla, motibazioa ederki landuko zuten aste honetan La Foixardan.
Nolako taldean ikusiko dugu Landaren?
Ba ziuraski lehengo denboraldikoa baina hobea. Jokalari ezagunak ditu talde honek, sorbaldako lesioak eta adinak bultzatuta geroz eta gutxiagotan jokatzen duen Andrei Kovalenko ukrainiarra kasu. Jolastekotan (zihurrenik ez) joko zabaltzaile bezala jolasten du, eta hiru laurdenetako lerroa primeran mugitzeaz aparte oso ostiko ona duen jokalaria da. Aurrelariak ere ez ditu makalak, lehengo urtean oso aurrelari indartsuekin etorri ziren Hernanira, lehen lerro gogor eta zail horietakoa. Dudarik gabe joan de urtean aurrealari onena zuten "giltza" edo 8a zen. Toki guztietara iristen zen mutila, ametsgaizto bat bezala,... baina lan kontuak tarteko Argentinara itzuli behar izan zuen. Bera ordezkatuz, Tom Hobbes izeneko zortzi bat ekarri zuten, ustez diferentziak markatu dituena, baina zorte piska batekin zurrumurruak egi bihurtu eta ez da Landaren izango, dagoeneko taldea utzi duelako.
Amaitzeko, eta hiru laurdeneko lerroaz zeozer aipatzeko, ba lehengo urtekoa baina hobea izango dela lerro hau, ze nahiz eta Kovalenkok ez jokatu, Sant Boianan egon diren tirabirak tarteko, BUCera joan dira talde honetan jokatzen zuten Carles Badia uztartze erdia edo joko zabaltzailea (kontuz jokalari honekin, jokoa hauts bait dezake bai joko ona tarteko, eta baita joko zikina tarteko ere)edo Oriol Garcia hegalekoa. Biak Ohorezko mailan zaildutakoak (lehena bigarrena baina gehiago),zihur lerroaren maila igo dutenak. Amaitzeko eta atzelari gisa Xavi Zubero denboraldi txukuna egiten ari omen da. Arriskua beraz atzekaldean, baina dudarik ez dago, hernaniarrek ere asko hobetu dutela azken urte honetan atzekaldean eta arriskua guk eragiten dugula!!
Iaz bezain partidu txukuna ematera, zelaian eta armailetan ere: Bultza Hernani!!